Dien je sivi, znucani, teški kak logožar jenput na mesec, posle pervog. Megle se vlečeju čez njive. Koruza još ni pobrana. Vu nje se nakopičila jesen. Kak da ji se neda meknuti zimi. Kak da čaka smeh berača i dečie roke štere mlečece išču. Nie dece, nie mlečecov, same veter zapuhava med rede, med komušinje. A komušinje, šušti, šuštiii kak teški brokat na lepoj ženski. Kak slamarica vu teškoj noči. Dien je sivi, znucani, teški kak je teški saki korak na tuđoj zemli, saka reč ne domača. Megle se bojo zdigle i berači bojo po sounco koruzu pobrali. I zrnje na njivi bo ostalo za prepelice i fazane. Za srake i šojke. Za mrzle dane.

Ljubica Ribić