Če si dienem dva dieci črlenega vina

i dieci vode i male cukera.

I nutri hitim male cimeta.

Zakipim. A soba zadiši

tak kak je negdar dišalo.

Če popijem tri deci kuhanega

Nem se napila, same mi bu tople.

Negde vu meni se zima bo zagrejala.

Nem pozabila grde vreme,

ni žmehke noge na tuđi cesti.

Ni plač, ni krič, ni ruke moleče,

ni mlade dečke čez hustu kaj bežiju.

Ni strah vu oku, ni rubec na materi

gda sina vu tuđinu sprema.

Če si dienem dva dieci črlenega vina

i dieci vode i male cukera.

I nutri hitim male cimeta.

Zakipim. A soba zadiši

tak kak je negdar dišalo.

Ništ se ne spremenilo.

Ljubica Ribić