Pijonec pije soak, neče rakiju jaku,

Bagataši dele peneze siramaku!

Lienuši dielaju kak stekli,

Niemuši su neke rekli.

Oastavku je dala vlada!!!

Se je jedna mačkarada!

Na kumienju raste riža,

Bez kredita se gradi hiža.

Jedinica f škuale jakša je nek pet!

Tristua kil je žmeka jedna smet.

Robijaš se ponaša kak spada.

Se je tua prava mačkarada!

V lete se admieče snieg,

Vada teče z doali na brieg.

Juha se na suhom kuha,

Miš ad sluana ima vuha!!

Čak i mačka pesa ima rada,

Tua je čista mačkarada!

Moški sviet vej decu rađa!!

Na lutrije se furt đek-pot pagađa.

Riba pa suhom hodi,

Zemlja je goare, a nebe spoadi.

Stualietna baba vej je mlada,

Sikak tua je mačkarada!

I doak traje ta norijada,

Cieli dien su si veseli, poni sklada!

Mam se svade čim si lafre zemu doalje!

Zate nikak nemre biti boalje!

I na žalast, se tom doajde kom pripada

Da prestone mačkarada!

tumač riječi: dele – dijele, lienuši – lijene osobe, dielaju – rade, stekli – bijesni, niemuši – nijeme osobe, kumienju – kamenju, vada – voda, vuha – uši, spoadi – ispod, sikak – svakako, lafre – maske

pisano zavičajnim govorom Ivanca (Hrvatsko Zagorje), Hrvatska

Darko Foder